تورک ملتی، تاریخ بویچه بوتون دنیاده خصوصن آسیا ده، اوزلریدن اینگ کته یوتوق‌لرنی میراثگه قوییب کیلگنلر. غزنه لی‌لر, تیموری‌لر، بابری‌لر کبی محتشم امپراتورلیک لر قوریب، تیل، ادبیات، معمارچی‌لیک و برچه عرصه‌لرده کوپ‌دن کوپ خدمتلر قیلگن دیرلر.
اورنک صورتده سلطان محمود و اونینگ فرزندی سلطان مسعود دن قالگن تاریخی اثرلر, غزنی ولایتیده بو عصرنینگ بایلیک‌لریگه گواه دیر. غزنه لی‌لر دوریده یوزلب شاعر, صنعتچی و بیلیم انسانی یتیشکن و مونگه اوخشش صنعت اثری عمارت‌لر قوریلیب, بیلیم ساحه سیده کتابلر یازیلیب کیلگن. قیسقچه غزنلی‌لر دورینی ادب و مدنیت دوری دیب تانیملسک ینگلیش بولمیدی.
تیموری‌لر دوریده یازیلگن برچه کتابلر و تیکیلگن عمارت‌لر,هرات ده کی مناره‌لر تیموری‌لر عصری‌نینگ عظمت و یوتوق لری گه حاضر گچه گواهلیک قیلیب تورگن.
انه شوندی تورک ملتی، تاریخ بویچه امپراتورلیک لر اورته گه کیلتیریب، فرهنگ و مدنیت بخش لریده، اوزلریدن کوپ دن کوپ اثرلر قویب کیلگن لر.
تاسف بیلن ایتیش کیره ک کیم ایکنچی جهانی اورش دن کیین، تورک بویلری بیر بیریدن اوزاق توشیب و ینچلیب قالگن. شو سبب دن بو بویوک ملتدن قالگن انچه تاریخی سندلر اورته دن کوتاریلگن و بیر چوق مستبد اولکه لر، بو ملت نی یوقاتماغی گه حرکت قیلیب کیلگن لر.
افغانستان ده، نادر افشار دوری گچه تورک لر قدرت نی ایگه لب کیلگنلر بیراق, نادر افشاردن کیین تورک لر، بو جغرافیاده استبدادی سلطه لر آرقه لی تضعیف قیلینگن لر.
…
شوندی طالبان حکومتیدن کیینکی دورده هم ترکتبار لرگه اصلن توجه بولمه گن. اگرچه، طالبان حکومتی نینگ سقوطی و دموکراسی نظام قوریلیشیده، افغانستان اوزبیک لری, تورکمن لری و هزاره لرینینگ اینگ کته سهملری باریدی، بیراق کیینکی پیتلرده بوملتلر دولت توجه سیدن اوزاقده قالدیلر.ایندی، ملی وحدت حکومتی نینگ اورته گه کیلیشی بیلن، بو قوم لرگه توجه قیلماغ و اونلرگه تاریخی بایلیک لرینی قیته دن جانلندیریب ، اوز تیل، ادبیات و فرهنگ لرینینگ ینگی دن ایاغگه توخته تیش لری اوچون فرصت بیریلماغی لازم کیله دی .
بو امرنینگ تحقق تاپیشی اوچون، ملی وحدت حکومتی یخشی بیر تصمیم آلیب فرهنگ و اطلاعات وزارتی نی اوزبیک لرگه تاپشیرگن ایدی. اوشنده ی که اشاره بولدی، تاریخ بویچه هم تورک لر فرهنگ عرصه سی ده اوزلریدن کته فعالیت لر کورسه تیب کیلگن لر.
بوکون، اوزبیک لر بو وزارت گه ایگه بولسه لر، واو شبو وزارت آرقه لی، برچه ملت لرگه و خصوصن کوزدن اوزاقده قالگن قوم لر گه توجه قیلسه لر و اوز آبا و اجداد لرینینگ جهانشمول فعالیتلرینی قیته دن تکرار قیلسه لر دیب امید قیله میز.
آلدینکی کونلرده کوریلگن دیک، فرهنگ و اطلاعات وزارتی گه کاندید بولگن کیشی، پارلمان تمانیدن اعتماد رای آلیش گه موفق بوله آلمه دی. ایندی، بو وزارت گه مسلکی بیر کیشی نینگ کاندیدا بیریش کیره ک. منه شو شرطلر آستیده داکتر عالیه یلمازدیک شخصیتلر نینگ بو وزارت گه کاندید بولیش لری ممکن و مناسب کورینه دی. مینمچه، داکتر عالیه یلمازنینگ بو وزارتگه اینگ مناسب کیشی بولیشینی تنلش نینگ بیر نیچه سببی باردیر. بیرینچی دن, داکتر یلمازهم تحصیلی لحاظ دن دکترا سویه سیگه چه تحصیل قیلگن و هم تجربه لحاظ دن ترکیه ده اوقوتوچی صفتیده انچه وقتدن بیری وظیفه اجرا قیلیب کیله یاتگن.
اینگ مهمی هم بوکیم داکتر عالیه یلماز، اولکه دن تشقری مدرن بیر جامعه ده حیات کیچیریاتگن و اینقسه تجربه لرگه ایگه بولیشی نقطه سیده هیچ بیر شبهه یوق. بو سببدن داکتر یلماز نینگ بو وزارت گه کیلیشی بیلن فرهنگی ساحه ده کتته کان اوزگریشلرگه شاهد بولیش ممکن دیب اویلی من.
مین بیر اوزبیک یاش صفتیده، داکتر عالیه یلماز نینگ بو وزارت گه کاندیدا قیلینیشی نی آرزو قیله من. چونکیم آنجق بو ینگلیغ آیدین سیما لر, باشده اوزبیکلر و برچه محروم قوم لرگه توغری خدمت قیله آله دی دیب توشونه من. باشقه تماندن حاضرگی پیتده اوزبیک لرآره سیده داکتر عالیه یلماز دن مناسبراغ گزینه هم بولمسه کیره ک.
اوزبیک یاشلری و مدنی فعال لری نینگ مسولیتی دیر کیم، بو کتته فرصتگه ایگه چیقیش اوچون داکترعالیه یلمازنینگ بو وزارت گه کاندیدا بولیشیگه اورون سه لر. آنه تیلی گه تحصیل قیلیش و آنه تیلی بیلن یاریش قیسقچه آنه تیلی نی تنلب آلیش هربیر فرد نینگ مدنی حقی دیر. منه شو و شونگه اوخشش برچه فرهنگی و اجتماعی ایستک لری گه قول تاپیش اوچون بو وزارت نینگ تصاحب گه حرکت قیلش الزم و ضروری دیر.
niyaz
بو وطنده اوزلریمیز اوزیمیزگه اچیمیز کویمسه کس نه ایچی بیز لر گه کویمس.
باید که هوشیار بولسق، یوگون بیز لرگه بیرکلیدی وزارت دن کوره وزارت فرهن یاقیملی
رحمت آلتایی جناب لری مقاله اوچون